पिंपरी : लॉकडाउनच्या काळात सर्वसामान्य नागरिकांना पोस्टाच्या सेवा पुरविण्याचे काम भारतीय डाक विभागाने अविरतपणे हाती घेतले आहे. कुठलाही गाजावाजा न करता एखाद्या कर्म योध्याप्रमाणे लॉकडाऊनमध्येही पोस्टमन जिवाची बाजी लावत कोरोनाविरुध्दच्या युद्धात डाकयोध्दे म्हणून उतरले आहेत. लॉकडाऊनच्या काळात प्रधानमंत्री गरीब कल्याण योजनेसह अन्य योजनांचे पैसे पोस्टामार्फतच पिंपरी चिंचवड शहरातील 4 हजार बँक ग्राहकांना 5 लाखाची रक्कम घरपोच दिली आहे. या डाकयोद्धांनी ही जोखीम पत्करून एइपीएस (AePS) सुविधेद्वारे विशेषत: महिला, ज्येष्ठ नागरिक, दिव्यांगांना सहाय्यभूत होण्याचे काम चालविले आहे.
कोरोनाचा विळखा अधिकच घट्ट बनत चालला आहे. लोकांनी घरी थांबून हे युद्ध जिंकायचे आहे. याचाच एक भाग म्हणून लॉकडाऊनमध्ये शहरातील नागरिकांची आर्थिक कोंडी होऊ नये, म्हणून तुमच्या खात्यात जमा होणारे पैसे विनामोबदला तुम्हाला घरपोच करण्याची हमी डाक विभागाचे उचलली आहे. या काळामध्ये ज्या पेन्शनधारकांना चालता येत नाही व एका जागेवर बसून आहेत, अशा पिंपरी चिंचवड शहरांमधील चार हजार व्यक्तींना पोस्ट खात्याच्या माध्यमातून त्यांना घरपोच त्यांच्या मागणीप्रमाणे पैसे देण्याचे काम केले आहे.
पिंपरी चिंचवडच्या बातम्या वाचण्यासाठी येथे ► क्लिक करा
आधार क्रमांकाशी जोडलेल्या कुठल्याही बॅंकेच्या बचत खात्यावरील व्यवहार या डाक सेवकांकडून करता येण्यात येत आहे. मात्र यासाठी आपले खात्यावर व्यवहार करण्यासाठी खातेदाराला त्याचे आधार कार्ड क्रमांक, बॅंक पासबुक व मोबाईल क्रमांक डाक सेवकास द्यावा लागेल. या व्यवस्थेमुळे प्रधानमंत्री गरीब कल्याण योजनेसह अन्य योजनांच्या लाभार्थी खातेदारांची सोय झाली आहे. या व्यवहारातून पोस्टाने विविध बॅंकांच्या 4 हजार खातेदारांना 4 लाख रुपयांची रक्कम घरपोच दिली आहे. पोस्टाची स्वतः बॅंक असून तिचे स्वतःचे अनेक बचत खातेदार आहेत. त्यांच्या व्यवहारांशिवाय ही रक्कम पोस्टाने पोहोचवली आहे.
पुण्याच्या बातम्या वाचण्यासाठी येथे ► क्लिक करा
घरपोच पैसे दिल्यामुळे बॅंकांमध्ये पैसे काढण्यासाठी होणारी गर्दी व त्यामुळे होऊ शकणारा कोरोनाचा प्रादुर्भाव याला अटकाव होण्यास पोष्टाची भूमिका महत्त्वाची आहे. या कामास जोडून व्यक्तिशः: लक्ष केंद्रित केले. या उपक्रमातून आतापर्यंत जवळपास 4 हजार ग्राहकांना चार लाखाची रक्कम विनामूल्य घरपोच करून लॉकडाऊनमध्येही सामान्यांचा आधार बनण्याचे काम डाकयोध्दे करीत आहेत.
- के. एस. पारखी, जनसंपर्क अधिकारी, पिंपरी चिंचवड
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.