तीनही ‘पी’ एकत्र आल्यास
समाजाचे कल्याण ः चांदेरे

वाकड, ता. ९ : लोकशाहीचा चौथा स्तंभ असलेला पत्रकार त्याचबरोबर राजकीय पुढारी अन् पोलिस हे समाजातील तीनही ‘पी’ंनीं एकत्र येत समन्वय साधून, योगदान दिल्यास समाजाची प्रगती झाल्याशिवाय राहणार नाही, असे प्रतिपादन पुणे जिल्हा बँकेचे नवनिर्वाचीत संचालक सुनील चांदेरे यांनी मारुंजीत केले
जाणता राजा प्रतिष्ठानच्या वतीने आयोजित मराठी पत्रकार दिनानिमित्त विविध क्षेत्रात उल्लेखनीय कामगिरी केलेल्या मान्यवरांचा विशेष सन्मान करण्यात आला. यावेळी ते बोलत होते. या सोहळ्यात मुळशी पंचायत समितीचे सभापती पांडुरंग ओझरकर, वरिष्ठ पोलिस निरीक्षक विठ्ठल कुबडे, अशोक धुमाळ, मोहन यादव, राष्ट्रवादी काँग्रेसचे तालुकाध्यक्ष महादेव कोंढरे, काँग्रेसचे तालुकाध्यक्ष गंगाराम मातेरे, शिवसेनेचे तालुकाध्यक्ष सचिन खैरे, युवानेते सुरेश हुलावळे, बाबाजी शेळके, राजेंद्र बांदल, अतिरिक्त गटविकास अधिकारी संजय ढमाळ, कृषी समितीचे संचालक दादाराम मांडेकर उपस्थित होते.
आरोग्य अधिकारी डॉ. बालाजी लकडे (वैद्यकीय सेवा), अविनाश चिलेकर (पत्रकारिता), पुणे जिल्हा मध्यवर्ती बँकेचे नवनिर्वाचित संचालक सुनील चांदेरे व पुणे महानगर प्रदेश विकास प्राधिकरणचे (पीएमआरडीए) संचालक सुखदेव तापकीर, लेखक बबन मिंडे, क्रीडा लेखक संजय दुधाणे आदींचा सन्मानचिन्ह, शाल, श्रीफळ व पुष्पगुच्छ देऊन विशेष सन्मान करण्यात आला.
जाणता राजा युवा प्रतिष्ठानचे समीर बुचडे यांनी आयोजन केले. ज्योती दवणे यांनी सूत्रसंचालन केले. प्रदीप पाटील यांनी आभार मानले.
--------------