पिंपरी, ता. १८ ः बेरोजगार युवक-युवतींसाठी मोरवाडी येथील महापालिका औद्योगिक प्रशिक्षण केंद्रात बुधवारी (ता. २०) सकाळी १० वाजेपासून रोजगार भरती मेळावा आयोजित केला आहे. कौशल्य विकास व उद्योजकता विभागाचे सहायक संचालक यांच्या सहकार्याने मेळावा होईल. संबंधितांनी https://forms.gle/sePffuPoG42qEtcg9 या लिंकवर माहिती भरून नोंदणी करावी, असे आवाहन केले आहे. क्रांतिसूर्य महात्मा जोतिराव फुले व भारतरत्न डॉ. बाबासाहेब आंबेडकर जयंतीनिमित्त विचार प्रबोधन पर्व महापालिकेने आयोजित केले होते. त्याअंतर्गत डॉ. बाबासाहेब आंबेडकर नॅशनल असोसिएशन ऑफ इंजिनिअर्स (बानाई) यांच्यातर्फे बेरोजगार युवक-युवतींसाठी ११ ते १५ एप्रिल दरम्यान ज्ञानज्योती सावित्रीबाई फुले स्मारकामध्ये कौशल्य विकास व उद्योजकता प्रशिक्षण शिबिर झाले. परदेशातील नोकरीच्या संधी आणि शैक्षणिक मार्गदर्शन, महिला कौशल्य विकास उद्योजकता आदी विषयांचा त्यात समावेश होता. आता बेरोजगार युवक-युवतींसाठी रोजगार भरती मेळाव्याचे आयोजन केले आहे.