पिंपरी, ता. ७ : मोशी येथील कचरा डेपोला बुधवारी (ता. ६) सायंकाळी भीषण आग लागली. या आगीची चौकशी करून संबंधितावर कठोर कारवाई करण्याची मागणी अखिल भारतीय युवक मराठा महासंघाचे अध्यक्ष उदयसिंह पाटील यांनी केली असून याबाबत आयुक्त राजेश पाटील यांना निवेदन देण्यात आले आहे.
या कचरा डेपोमध्ये लाखो टन कचरा संकलित केला जातो. धुराचे लोटमुळे प्रदूषणात मोठी वाढ होत असल्याने पिंपरी-चिंचवडकरांचा आरोग्याचा प्रश्न गंभीर बनला आहे. महापालिका प्रशासनाची उदासीनतेमुळे कचरा डेपोला सातत्याने आग लागण्याचा प्रकार घडत आहेत. आग लागण्याचे कारण नैसर्गिक आहे, की हेतुपुरस्सर आग लावण्याचा मानव निर्मित प्रयत्न होत आहे, असा प्रश्न नागरिकांच्या मनात निर्माण होत आहे. वारंवार घडणाऱ्या अशा घटनांमुळे कचरा नष्ट करण्याच्या शास्त्रोक्त पद्धतीचा वापर करण्याऐवजी आगींच्या घटनांमुळे हा कचरा आपोआपच नष्ट होत असल्याने ‘सुंठेवाचून खोकला गेला’ अशी, तर प्रशासनाची भूमिका नाही ना, अशी शंका नागरिकांकडून उपस्थित केली जात आहे.
महापालिकेने शहरातील नागरिकांच्या आरोग्याचा खेळ मांडलेला आहे. या प्रकाराला जबाबदार असणाऱ्यांची जबाबदारी निश्चित करून संबंधितांवर कठोर कारवाई करावी; अन्यथा या विरोधात शहरात जनआंदोलन उभे करण्यात येईल, असा इशारा उदयसिंह पाटील यांनी दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.