उर्से : शिवतेज मित्र मंडळ उर्से मावळ व परंदवडी- शिरगाव पोलिस ठाणे यांच्या विद्यमाने श्री पद्मावती विद्या मंदिर व ज्युनियर कॉलेज, उर्से-शंकरवाडी येथे विद्यार्थ्यांना शालेय साहित्याचे वाटप करण्यात आले. कार्यक्रमास मंडळाचे ज्येष्ठ कार्यकर्ते जयसिंग ठाकूर, सोपान वाळुंज, रोहिदास धामणकर, शंकर राऊत, अविनाश गायकवाड, गणेश धामणकर व सर्व मंडळाचे पदाधिकारी, ग्रामस्थ व मुख्याध्यापक, शिक्षक उपस्थित होते. शिवतेज मित्र मंडळ हे सामाजिक क्षेत्रामध्ये विविध कामे अनेक वर्षांपासून करत आहे. तसेच दरवर्षी विविध स्पर्धा व कार्यक्रम मंडळाच्या माध्यमातून घेतल्या जातात.