भोसरी, ता. १८ : सध्याच्या काळात मुला-मुलींसाठी त्या-त्या क्षेत्रातील वधू-वर शोधणे कठीण काम झाले आहे. उच्चशिक्षित मुलींची संख्या समाजात जास्त असून त्यांच्या वराबाबतच्या अपेक्षाही अवास्तव वाढत आहेत. विवाह जमविण्यासाठी तडजोड ही अतिशय महत्त्वाची बाब असल्याचे मत माजी आमदार विलास लांडे यांनी भोसरीत नुकतेच व्यक्त केले.
पिंपरी-चिंचवड शहर तेली समाजाच्यावतीने आयोजित वधु-वर पालक परिचय मेळाव्याच्या उद्‍घाटनप्रसंगी ते बोलत होते. अध्यक्षस्थानी वाघोली गावच्या सरपंच वसुंधरा उबाळे होत्या. यावेळी संताजी महाराज जगनाडे तेली समाज संस्थेचे अध्यक्ष शिवदास उबाळे, अखिल भारतीय नाट्य परिषदेचे उपाध्यक्ष भाऊसाहेब भोईर, अजित गव्हाणे, सचिन लांडगे, विशालमहाराज फुगे, पिंपरी-चिंचवड शहर तेली समाजाचे अध्यक्ष शिवराज शेलार आदी उपस्थित होते.
या मेळाव्यात आठशे वर आणि साडेतीनशे वधूंनी नावनोंदणी केली. समाजात उल्लेखनीय कार्य केल्याबद्दल शिवदास उबाळे यांना समाजभूषण पुरस्काराने गौरविण्यात आले. कार्यक्रम यशस्वी करण्यासाठी दिलीप खोंड, बंडोपंत शेलार, विजयकुमार शिंदे, संतोष माकुडे, संदीप चिलेकर, प्रदीप बारमुख, रमेश भोज, घनश्याम वाळुंजकर, अनिल चौधरी आदींनी परिश्रम घेतले. संस्थेचे मुख्य सचिव संजय जगनाडे यांनी प्रास्ताविक केले. मनीषा काळे यांनी आभार मानले.

फोटोः 02500