भोसरी, ता. २९ ः इंद्रायणीनगरातील आदर्श समाज विकास महासंघाच्या धम्मनिनाद बुद्ध विहारात राजर्षी छत्रपती शाहू महाराज यांची जयंती व्याख्यान, सांस्कृतिक कार्यक्रम, वृक्षारोपण, आरोग्य तपासणी आणि खाऊ वाटपाने साजरी करण्यात आली.
व्याख्याते संजय बेंडे यांचे ‘बहुजन शिक्षण प्रतिपालक : राजर्षी छत्रपती शाहू महाराज’ या विषयावर व्याख्यान झाले. कार्यक्रमाच्या अध्यक्षस्थानी भाऊसाहेब डोळस होते. यावेळी विजय भालेराव, संजय गायकवाड, ज्ञानेश्वर दांडगे, अनिल चव्हाण, करण तायडे, लिंबाजी वाकोडे, पोपट भालेराव, राजेश डोळस, आनंद खंडारे आदी उपस्थित होते.
तबलावादक ऋषभ डोळस याने तबल्यावर विविध रागांचे वादन करून कार्यक्रमात रंग भरला. यावेळी मोनिका ससाणे, छाया बोरसे, वंदना ओव्हाळ, रंजना नरवाडे, पंचशीला गायकवाड आदींच्या हस्ते वृक्षारोपण करण्यात आले. कार्यक्रम यशस्वी करण्यासाठी संजय शिरसाट, इंदर तायडे, आयुष डोळस, शाहू भोसले, राजू ससाणे, संतोष मोरे आदींनी परिश्रम घेतले. अमरनाथ तायडे यांनी सूत्रसंचालन केले. शिवलिंग भोसले यांनी आभार मानले.

BHS25B03061