भोसरी, ता. ९ : आळंदी रस्त्यावर भारत पेट्रोलियमजवळ पडलेल्या मोठ्या खड्ड्यामुळे वाहन चालकांना अपघात होण्याचा धोका निर्माण झाला आहे. हा खड्डा तातडीने भरण्याची मागणी वाहन चालक आणि नागरिकांमधून होत आहे.
भोसरीतील आळंदी रस्त्यावर वाहनांची मोठ्या प्रमाणात वर्दळ असते. या रस्त्यावर भारत पेट्रोलियमजवळ पावसाळी गटाराजवळ मोठा खड्डा पडला आहे. पावसाळी गटारीच्या चेंबरची पातळी रस्त्याच्या पातळीपेक्षा उंच आहे. त्याच्याजवळच रस्त्यावर मोठा खड्डाही पडला आहे. त्यामुळे वाहने चेंबरवरून सरळ या खड्ड्यात जाऊन आदळत आहेत. रात्रीच्यावेळेस या खड्ड्यांमध्ये दुचाकी पडून वाहन चालकांना दुखापत झाल्याचे काही वाहन चालकांनी सांगितले. पावसाळ्यात या खड्ड्यामध्ये पाणी साचून राहते असल्याने वाहन चालकांना या खड्ड्याचा अंदाज येत नाही. त्यामुळे अपघातही होत आहेत. रस्त्यावरच असलेल्या खड्ड्यामुळे वाहनांची गती कमी होत असल्याकारणाने रस्त्यावरील वाहतूक कोंडीसही हा खड्डा कारणीभूत ठरत आहे. या खड्ड्यासह आळंदी रस्त्यावर इतर काही ठिकाणीही खड्डे पडले आहेत.

BHS25B03092