चिंचवड, ता. १० ः उन्हाळी सुट्टीत गावाकडे जाणाऱ्या प्रवाशांसाठी गडहिंग्लज आगार व्यवस्थापक गुरुनाथ रेणे यांच्या सहकार्याने निगडी-गडहिंग्लज मार्गावर सकाळ व संध्याकाळ अशा चार विशेष एसटी बसची व्यवस्था करण्यात आली आहे. एसटी बसची पूजा करून रात्री ९ वाजता निगडीहून नेसरीकडे बस रवाना करण्यात आली. या वेळी गडहिंग्लज आगाराचे दोन चालक अर्जुन खवरे,जयेश पाटील, वाहक अनिल लोटे, निगडी नियंत्रक चेतना कोळी, अर्जुन सावंत, सुशांत कळवीटकर हे उपस्थित होते. गडहिंग्लज ते निगडी स.९.३० व रात्री ८.३०, निगडी ते गडहिंग्लज स. ७.३०, निगडी ते नेसरी रात्री ९ अशा बसच्या वेळा आहेत.