चिंचवड, ता.२३ ः ग्रामीण भागातील गरजू, अनाथ आणि होतकरू विद्यार्थ्यांना शिक्षणाच्या प्रवाहात आणण्यासाठी आनंदी मैत्री प्रतिष्ठानच्यावतीने जिल्हा परिषद प्राथमिक शाळा, लोणी काळभोर क्र.२ येथे शालेय साहित्याचे वाटप करण्यात आले.
यावर्षीही पहिली ते सातवीतील ४६ विद्यार्थिनींना वर्षभर उपयोगी ठरेल; इतके साहित्य प्रदान करण्यात आले. विद्यार्थ्यांना वह्या, लेखन साहित्य, दप्तर अशा उपयुक्त वस्तूंचे वाटप करण्यात आले. प्रतिष्ठानचे अध्यक्ष गणेश लुंकड यांच्या मार्गदर्शनाखाली प्रतिष्ठानचे सदस्य सचिन जैन, दशरथ साठे, प्रथमेश पिल्ले, यश जैन यांच्या सहकार्याने हा उपक्रम राबविण्यात आला. सुनील जाधव यांनी प्रास्ताविक केले; तर रघुनाथ शिंदे, सोमनाथ शेंडकर यांनी सूत्रसंचालन केले. रोहिदास मेमाणे यांनी आभार मानले.