चिंचवड, ता. १७ ः सौ.ताराबाई शंकरलाल मुथा कन्या प्रशाला व कनिष्ठ महाविद्यालयात शिक्षण महर्षी दिवंगत शंकरलालजी मुथा यांच्या १६ व्या पुण्यस्मरणार्थ चिंचवड येथे विविध स्पर्धा व उपक्रम घेण्यात आले.
चित्रकला, प्रश्नमंजुषा, भगवतगीता पठण, आरोग्य तपासणी अशा विविध स्पर्धा आणि कार्यशाळा विद्यार्थिनींसाठी पार पडल्या. यावेळी ‘सायबर गुन्हे व करिअर मार्गदर्शन’ या विषयावर वंदना मांढरे यांनी व्याख्यान दिले. ‘एक पेड माँ के नाम’ या उपक्रमांतर्गत वृक्षारोपण, कराटे व लाठीकाठी प्रशिक्षण वर्गाचे उद्‍घाटन करण्यात आले.
जैन विद्या प्रसारक मंडळाचे सचिव राजेंद्रकुमार मुथा, सहसचिव अनिलकुमार कांकरिया, महापालिका उपायुक्त उमेश ढाकणे, पर्यवेक्षक दीपक थोरात व इतर मान्यवर उपस्थित होते. निधी कुऱ्हाडे, रेणुका वैद्य व अन्वी दळवी यांनी आपली मनोगते व्यक्त केली.