चिंचवड, ता.२७ ः पिंपरी चिंचवड नामदेव शिंपी समाज संस्थेचे अध्यक्ष म्हणून एकनाथ सदावर्ते यांची निवड झाली. कार्याध्यक्ष म्हणून मनोज भुतकर, अनिल पोरे यांची नियुक्ती झाली. सन २०२५-२६ साठी ही निवड झाली.
वाल्हेकरवाडी येथील संत नामदेव महाराज मंदिरामध्ये संस्थेची वार्षिक सर्वसाधारण सभा पार पडली. या सभेत नवीन कार्यकारिणीची निवड करण्यात आली. दरम्यान, संत शिरोमणी नामदेव महाराज यांच्या संजीवन समाधी निमित्ताने नामदेव शिंपी समाज संस्थेच्यावतीने विनामूल्य नेत्र व कान तपासणी शिबिराचे आयोजन करण्यात आले. त्याचा ६० रुग्णांनी लाभ घेतला. अन्य पदाधिकारी पुढील प्रमाणे ः
सुरेश परदेशी, मनोहर मुळे (दोघेही उपाध्यक्ष), प्रशांत बेंद्रे (सचिव), प्रसाद खोले, ज्ञानेश्वर ढवळे (सहसचिव), औदुंबर बगाडे आणि प्रकाश सुपेकर (खजिनदार).

CWD25A01690