खोडद, ता.१० : मांजरवाडी (ता.जुन्नर) येथे केळी पिकाचे उत्पादन घेणाऱ्या शेतकऱ्यांसाठी नुकतेच मार्गदर्शन शिबिर आयोजित केले होते. या शिबिरात अनेक शेतकऱ्यांनी उत्स्फूर्त होणे सहभाग घेतला.

मांजरवाडी, हिवरेतर्फे नारायणगाव, रांजणी, नागापूर परिसरात मोठ्या प्रमाणात केली पिकाची लागवड झाली आहे. ज्ञानेश्वर ग्रेप ग्रोवर्स सोसायटीने या परिसरातील केळी उत्पादक शेतकऱ्यांसाठी निर्यातक्षम केळी उत्पादन या विषयावर डॉ.सोमनाथ सुरवसे यांचे मार्गदर्शन केले. यावेळी बड इंजेक्शन फ्रुटकेअर कसे करायचे, थ्रिप्स, अळी यासाठी कोणत्या फवारण्या घ्यायच्या याबाबत शेतकऱ्यांना धडे देण्यात आले. फायना युनिव्हर्सल कंपनीचे अमीर करिमी, सुजय पाटील मार्गदर्शन केले.
यावेळी ज्ञानेश्वर ग्रेप ग्रोवर्स सोसायटीचे सचिव शशिकांत थोरात, कृषी उत्पन्न बाजार समिती जुन्नरचे संचालक माऊली खंडागळे, शरद बँकेचे संचालक जयसिंग थोरात, विविध कार्यकारी सोसायटीचे अध्यक्ष किशोर नेहरकर, साई कृषी सेवा केंद्राचे संचालक रवींद्र थोरात, अजय बेल्हेकर, श्‍याम भोर, मधुकर हांडे, पांडुरंग निकम, तुकाराम वाघ, विजय थोरात, श्रीराम जाधव, डॉ.विशाल थोरात, दीपेश मुळे, मुरलीधर थोरात आदी उपस्थित होते.