इंदोरी, ता. ७ ः येथील माजी उपसरपंच व मावळ रोटरी क्लबचे माजी अध्यक्ष व गुणवंत कामगार प्रशांत भागवत यांना श्री संत संताजी महाराज जगनाडे जयंती उत्सव समिती चाकण यांच्या वतीने आदर्श युवा उद्योजक पुरस्काराने गौरविण्यात आले.
संताजी महाराज यांच्या चारशेव्या जयंतीनिमित्त आयोजित केलेल्या सोहळ्यात पुरस्कार प्रदान करण्यात आला. प्रशांत भागवत यांचे कामगार, शैक्षणिक, उद्योग, व्यापार, राजकीय व सामाजिक क्षेत्रांतील उल्लेखनीय कामगिरीबद्दल हा पुरस्कार प्रदान करण्यात आला.
पगडी, शाल, मानपत्र, सन्मानचिन्ह, पुष्पगुच्छ व श्रीफळ असे पुरस्काराचे स्वरूप आहे.
तैलीक महासंघाचे जिल्हाध्यक्ष चंद्रकांत वाव्हळ, माजी जिल्हा परिषद सदस्य अतुल देशमुख, संताजी महाराज संस्थानचे
अध्यक्ष शिवदास उबाळे, कार्याध्यक्ष विजय रत्नपारखी व संताजी महाराजांचे वंशज अजय जगनाडे यांच्या हस्ते पुरस्कार
प्रदान करण्यात आला. या वेळी प्रदूषण महामंडळ सदस्य नितीन गोरे, माजी नगरसेवक अविनाश बागवे, राजेश राऊत, सौरभ भागवत उपस्थित होते. सत्कारास उत्तर देताना प्रशांत भागवत म्हणाले, ‘‘पुरस्काराने जबाबदारी वाढली असून, यापुढे ही सामाजिक कार्यात अधिक सक्रिय राहीन व ज्यांच्या भक्कम पाठिंब्यामुळे कार्यरत आहे. अशा माझ्या कुटुंबीयांना व सहकारी मित्रांना हा पुरस्कार समर्पित करीत आहे.’’
प्रास्ताविक उत्सव समिती अध्यक्ष सुभाष शिंदे यांनी केले. आभार क्रांती सोमवंशी यांनी मानले.