जाधववाडी, ता.१७ ः वडाचा मळा चौकात अनेक भटके श्वान एकत्र येऊन रस्त्यात थांबत असून पादचाऱ्यांवर भुंकत असतात. तसेच अंगावर धावून जातात. त्यामुळे स्थानिक रहिवाशांमध्ये भीतीचे वातावरण पसरले आहे.
जाधववाडी येथील वडाचा मळा चौकामध्ये दिवसा तसेच रात्री अनेक भटके श्वान थांबलेले असतात. त्यांची संख्या जास्त आहे. या चौकात महापालिकेची आणि खासगी शाळा आहे. तसेच मॉर्निंग वॉकसाठी जाणारे नागरिक तसेच ज्येष्ठ नागरिक असतात. सकाळी शाळकरी मुले, गृहिणी, नोकरदार महिला व कामगारांना रस्त्याने जाताना त्यांची भीती वाटते. अनेकदा शाळकरी मुलांवर कुत्रे धावून आल्याच्या घटना इथे घडलेल्या आहेत.
रात्री भटके श्वान मुख्य रस्त्यावर येऊन वाहन चालकांचा पाठलाग करतात. त्यामुळे अनेकदा अपघात घडले आहेत.
दुचाकीस्वार महिलांचा पाठलाग केल्यामुळे अनेकवेळा येथे अपघात झाले आहेत. तसेच मॉर्निंग वॉकसाठी जाणारे नागरिक तसेच ज्येष्ठ नागरिक असतात. त्यामुळे या भटक्या श्वानांचा महापालिकेने त्वरित बंदोबस्त करावा, अशी मागणी येथील रहिवाशांनी केली आहे.

अनेकवेळा रात्री या रस्त्यावरून कामावर जाताना श्वानांची भीती वाटते. रस्त्यावरुन चालताना अचानक कुठून तरी ते येतात आणि भुंकत असतात. किंवा पाठलाग करतात.
- पंकज शिंदे, स्थानिक रहिवासी

JDW25A00216