जाधववाडी, ता.११ ः येथील शिवरस्ता येथे जी. के. पी. ज्येष्ठ नागरिक संघाच्यावतीने दिल्ली येथील भीषण बॉम्बस्फोटाचा तीव्र निषेध करण्यात आला. तसेच त्यातील बळी पडलेल्या निष्पाप नागरिकांना श्रद्धांजली वाहण्यात आली. जखमी नागरिकांच्या प्रकृती सुधारावी म्हणून प्रार्थना करण्यात आली.
रवींद्र आंबेकर, रायभान गजभिये यांनी बॉम्बस्फोटाच्या कटामध्ये सूत्रधारासहित सर्वांचा कसून चौकशी करून शोध घ्यावा व त्यांना फासावर लटकावे, अशी मागणी केली. याप्रसंगी दशरथ जाधव, नवनीत सोनार, नंदकिशोर लोखंडे, बाळासाहेब कदम, तुळशीराम बोराडे, दत्तात्रेय कदम, प्रकाश सोनवणे, अनिल दिवेकर, विक्रम आहिरे आदी उपस्थित होते.