किवळे, ता. ११ : गुरुपौर्णिमेनिमित्त एंजल पब्लिक स्कूलच्या वतीने वृक्षारोपण करण्यात आले. गुरुपौर्णिमा केवळ शिक्षकांचा आदर करूनच नव्हे, तर निसर्गालाही आदराने स्वीकारून साजरी करणे महत्त्वाचे आहे. निसर्ग हाच आपला खरा गुरू असल्याचे विचार मुख्याध्यापिका ॲड. शुभांगी तरस यांनी व्यक्त केले. यावेळी मुख्याध्यापिका ॲड. शुभांगी तरस तसेच सदाशिव तरस, नवनाथ तरस, संतोष तरस, मच्छिंद्र तरस आणि ग्रामस्थ उपस्थित होते. शाळा प्रशासनाने भविष्यातही असे पर्यावरणपूरक उपक्रम राबवण्याचे आणि विद्यार्थ्यांमध्ये पर्यावरणाबद्दल जबाबदारीची भावना वाढवण्याचे आश्वासन पालकांना दिले.