किवळे, ता. १० : कार्तिक स्नान निमित्त विकासनगर, किवळे गावठाण, रावेत, मामुर्डी, चिंचोली, शेलारवाडी, किन्हई, गहुंजे आणि सांगवडे परिसरात विविध मंदिरांमध्ये काकडा आरतीचा गजर घुमला.
महिला भजनी मंडळांच्या सदस्यांनी आरतीचे सुंदर संयोजन करत पारंपरिक चालींमध्ये अभंग सादर केले. वारकरी अभंग आणि काकडा आरती वेगवेगळ्या सुरात गात आहेत. पहाटे साडेचारपासून सामुदायिक स्वरात गायल्या जाणाऱ्या या आरती मुळे परिसर भक्तिभावाने उजळला आहे. विकासनगर परिसरात परराज्यातून कामानिमित्त स्थायिक झालेले नागरिकही या आरतीचा अनुभव घेताना दिसले.