लोणावळा, ता. २ : ‘‘कार्यकर्ता हेच भाजपचे भांडवल आहे, ज्यांच्या कष्टाच्या आणि संघर्षाच्या जोरावर भारतीय जनता पक्ष जगातील सर्वात मोठा पक्ष बनला आहे,’’ असे मत भाजप उत्तर भारतीय आघाडीचे पुणे जिल्हाध्यक्ष अंशूकुमार प्रेम पाठक यांनी व्यक्त केले.
लोणावळा शहर भाजप कार्यालयात उत्तर भारतीय मोर्चाची विभागीय संघटनात्मक आढावा व संवाद बैठक संपन्न झाली. यावेळी पाठक यांनी उपस्थितांना संबोधित केले. माजी नगराध्यक्षा सुरेखा जाधव, माजी उपनगराध्यक्ष श्रीधर पुजारी, भाजप गटनेते देवीदास कडू, प्रदेश सदस्य आशिष बुटाला, उत्तर भारतीय आघाडी जिल्हा उपाध्यक्ष जयप्रकाश परदेशी, उत्तर भारतीय आघाडी लोणावळा शहर अध्यक्ष श्रवणकुमार विश्वकर्मा, पुणे जिल्हा सोशल मीडिया सदस्य राजू परदेशी, शहर सरचिटणीस शुभम मानकामे, चिटणीस नंदूभाऊ जोशी, दिपू चौहान आदी उपस्थित होते. पंतप्रधान नरेंद्र मोदी यांच्या स्वप्नातील भारत बनविण्यासाठी सर्वांच्या योगदानाची गरज पाठक यांनी व्यक्त करत त्यांना उत्तर भारतीय समाजाकडून भरघोस पाठिंबा देण्याचा निर्धार करण्यात आला.
केंद्र सरकारच्या विविध कल्याणकारी योजना समाजातील शेवटच्या घटकापर्यंत पोहचविण्याबाबत चर्चा करण्यात आली. लोणावळा शहर भाजपच्या वतीने पाठक यांचे स्वागत करण्यात आले. श्रवणकुमार विश्वकर्मा यांनी आभार मानले.

छायाचित्र: LON24B03464

छायाचित्र: LON24B03465
लोणावळा: भाजप उत्तर भारतीय मोर्चाची संघटनात्मक आढावा संपन्न पार पडली, यावेळी जिल्हाध्यक्ष अंशूकुमार पाठक मार्गदर्शन केले