मोशी, ता. ३१ : प्राधिकरणातील श्री स्वामी समर्थ चॅरिटेबल ट्रस्ट आणि संघर्ष संस्था यांच्या संयुक्त विद्यमाने सोमवारी (ता. ३१) श्री स्वामी समर्थ महाराज प्रकट दिन सोहळ्याचे आयोजन करण्यात आले असल्याचे संस्थेचे संस्थापक पंकज पवार यांनी सांगितले.
यावेळी सकाळी ७ वाजता अभिषेक, सकाळी ८ ते ११ स्वामी याग होम हवन, दुपारी १२ वाजता स्वामींचा जन्म सोहळा व पुष्पवृष्टी, दुपारी २ वाजता पालखी परिक्रमा सोहळा, सायं. ७ वाजता महाआरती व महाप्रसाद, सायंकाळी ७.३० वाजता स्वामींच्या गीते आदी कार्यक्रमांचे आयोजन करण्यात आले आहे. यावेळी आमदार महेश लांडगे, हिंदू सेनेचे राष्ट्रीय अध्यक्ष धनंजय देसाई, स्वामी भक्त चित्रकार शेखर साने, धर्म संस्कृती प्रचारक रमेश गायकवाड आदी उपस्थित राहणार आहेत.