मोशी, ता. २५ : परिसरात शुक्रवारी सकाळपासून हलका ते मध्यम पाऊस सुरू होता. मोशी, डुडुळगाव, चऱ्होली, पुणे नाशिक महामार्ग तसेच मोशी प्राधिकरण परिसरात बऱ्याच दिवसांनंतर पाऊस सुरू झाल्याने समाधान व्यक्त करण्यात आले. तर, काहींची धांदल उडाली.
ज्यांच्याकडे पावसापासून संरक्षण करण्यासाठी काहीही नव्हते, अशा दुचाकीने प्रवास करणाऱ्या नागरिकांना झाडांचा आश्रय घ्यावा लागला. रात्रीपासूनच हवेमध्ये उकाडा जाणवत होता. पावसामुळे परिसरातील बीआरटी मार्ग, पुणे-नाशिक महामार्ग, बोराटे वस्ती, लिंक रस्ता, स्पाइन रस्ता आदी भागांतील काही ठिकाणी रस्त्यांवरील सखल भागांमध्ये पाणी साचले.