रावेत, ता.२० : पिंपरी चिंचवड महापालिका प्राथमिक शाळा, रावेत (क्र. ९७) येथे सहगामी फाउंडेशन व मस्ती की पाठशाला संस्थेच्यावतीने विद्यार्थ्यांना वह्या आणि पुस्तके वाटप करण्यात आले. तसेच ‘एक पेड माँ के नाम’ या उपक्रमाअंतर्गत विद्यार्थ्यांच्या हस्ते वृक्षारोपणही करण्यात आले.
या कार्यक्रमाला आयडीबीआय बँकेच्या रावेत शाखेचे व्यवस्थापक विभोर पारीख, मुख्याध्यापिका सायरा शिकलगार, जयश्री जाधव, अर्चना ओहोळ, चारुशीला जाधव, पांडुरंग घुगे, प्रियांका भनगडे, राजश्री जाधव, सूरज गायकवाड आदी उपस्थित होते. यावेळी मस्ती की पाठशाला संस्थेच्या संचालिका प्राजक्ता रूद्रावार यांच्या हस्ते विद्यार्थ्यांना वह्यांचे वितरण करण्यात आले. विद्यार्थ्यांच्या मनात पर्यावरणाचे महत्व रुजविणे आणि नैसर्गिक साधनांचे जतन करण्याचा संदेश देण्यासाठी वृक्षारोपण उपक्रमाचे आयोजन करण्यात आले.