सकाळ इफेक्ट

रावेत, ता. २५ : आकुर्डी परिसरातील डी. वाय. पाटील कॉलेज रस्त्यावर उघड्यावरील आणि गंजलेला विद्युत रोहित्र (ट्रान्सफार्मर) नागरिकांच्या दृष्टीने धोक्याचा ठरत होता. या बाबत नागरिकांनी सतत तक्रारी केल्या. याबाबत ‘सकाळ’नेही वृत्त प्रकाशित केले. त्यावर महावितरणने या रोहित्राची तत्काळ दुरुस्ती करत सुरक्षित कवच देण्यात आले. तुटलेल्या दारांची दुरुस्ती, सैल व वायरिंगच्या सुधारणा आणि परिसरातील विखुरलेल्या व धोकादायक केबल्स व्यवस्थितपणे बसवण्यात आल्या आहेत.

अशा प्रकारच्या सार्वजनिक सुरक्षेच्या बाबतीत तत्काळ कार्यवाही करणाऱ्या महावितरणच्या कामाबद्दल समाधान व्यक्त केले आहे. तसेच भविष्यात अशा धोकादायक स्थिती उद्भवू नयेत, यासाठी नियमित तपासणी आणि देखभालीची मागणीही केली आहे.
सदर ठिकाणी जवळपास खाद्यपदार्थ विक्रीचे स्टॉल, विद्यार्थ्यांचे वसतिगृह आणि पादचारी मार्ग असल्याने ही दुरुस्ती अत्यावश्यक होती. महावितरणच्या वेळीच घेतलेल्या पावलामुळे संभाव्य अपघात टळले आहेत.