जुनी सांगवी, ता.८ ः मोहरमनिमित्त दापोडीमध्ये बसविण्यात आलेल्या ताबूत आणि पंजांची मिरवणूक काढण्यात आली. स्थानिक नागरिकांकडून सरबताचे वाटप करण्यात आले.
दापोडीमध्ये बहुसंख्य ठिकाणी ताबूत बसविले जातात. ताबुतांच्या स्थापनेमध्ये हिंदू-मुस्लिम बांधव मोठ्या संख्येने एकत्र येऊन उत्सव साजरा करतात. यावर्षी एसएमएस कॉलनी वॉर्ड क्रमांक तीन सीएमईगेट समोर, काची वाडा एस .टी. रोड येथे ताबूत बसविण्यात आले. मुकुंद कणसे, मोहसीन शेख, मोहसीन मणियार, निशिकांत पवार, रवी परदेशी, राहुल माने, शैलेश काची, दिनेश काची, सचिन जावळकर, निखिल मते, अविनाश नवसुपे आदींच्यावतीने उपस्थितांना सरबत वाटप करण्यात आले. आझाद चौकात मोहरम निमित्त साहिल शेख, मोमीन शेख, युनूस शेख, आरिफ शेख यांच्याकडून पंजाची मिरवणूक काढण्यात आली. यानंतर सर्व उपस्थितांना सरबताचा प्रसाद वाटप करण्यात आले. मानाच्या ताबुताची मिरवणूक कणसे पॅलेस इथून निघून पुढे त्याचे विसर्जन झाले.

PIM25B20076