पिंपरी, ता. १३ : वाहन चोरीच्या गुन्ह्यातील आरोपी आळंदी पोलिस ठाण्यातून पळून गेला. हा आरोपी ताब्यात असताना कामात हलगर्जीपणा केल्याप्रकरणी आळंदी पोलिस ठाण्यातील महिला अंमलदारावर निलंबनाची कारवाई करण्यात आली आहे.
जयश्री थोपटे असे कारवाई झालेल्या महिला अंमलदाराचे नाव आहे. वाहन चोरीच्या प्रकरणात सदाशिव ऊर्फ सागर गणपत कांबळे (वय ४४, रा. वाफगाव, कांबळे वस्ती, ता. खेड) या आरोपीला आळंदी पोलिसांनी ताब्यात घेतले होते. या गुन्ह्यासंदर्भात शुक्रवारी त्याला न्यायालयात हजर करणार होते. त्याबाबतची प्रक्रिया सुरू असतानाच आरोपी कांबळे हा पोलिस अंमलदार थोपटे यांच्या रखवालीतून पळून गेला.
या प्रकरणात कामात हलगर्जीपणा केल्याचा ठपका ठेवत थोपटे यांना सेवेतून निलंबित केल्याचे पोलिस उपायुक्त बापू बांगर यांनी सांगितले.
------------