पिंपरी, ता. २५ : गेल्या काही दिवसांपासून उघडीप दिलेल्या पावसाने शुक्रवारी (ता. २५) पिंपरी-चिंचवडमध्ये जोरदार हजेरी लावली. शुक्रवारी सकाळपासूनच संततधार पाऊस पडत होता.
पावसामुळे सकाळी शाळा व महाविद्यालयात जाणारे विद्यार्थी, कार्यालयांत जाणारे कर्मचारी यांची तारांबळ उडाली. अवघ्या काहीच तासांच्या पावसाने शहरातील अनेक रस्त्यांवर पाणी साचले. त्यामुळे वाहतूकही मंदावल्याचे चित्र दिसत होते.
जून महिन्याच्या सुरवातीलाच दमदार पावसाने हजेरी लावली होती. त्यानंतर जुलै महिन्यात पावसाने काहीशी विश्रांती घेतल्याचे चित्र होते. त्यामुळे कमाल तापमानात काहीशी वाढ होऊन उष्णताही वाढली होती. पावसाच्या सरी अधूनमधून पडत होत्या, पण पावसाने शहराला हुलकावणी दिली होती.
शुक्रवारी पावसाने ही उणीव भरून काढली. सकाळी सुरू झालेल्या पावसाचा जोर सायंकाळीही कायम होता. त्यामुळे घरी परतणाऱ्या नागरिकांना काही प्रमाणात कोंडीला सामोरे जावे लागले. संततधार पडणाऱ्या पावसामुळे अनेकांनी घराबाहेर पडणे टाळले, तर बाहेर पडणाऱ्यांनाही रेनकोट-छत्री असा जामानिमा करावा लागला. पावसामुळे हवेत गारवाही जाणवत होता.
-----
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.