पिंपरी, ता. ७ : रिव्हर व्ह्यू घाट बिर्ला हॉस्पिटल रोड चिंचवडगाव येथे गणपती मूर्तीदान आणि निर्माल्यदान उपक्रम राबविण्यात आला. अनंत चतुर्दशीच्या दिवशी सुमारे सात हजार ६८२ गणेश मूर्तींचे दान मिळाले आणि १२ टन निर्माल्य स्वीकारले. पिंपरी-चिंचवड महानगरपालिका ‘ब’ प्रभाग आणि संस्कार प्रतिष्ठान महाराष्ट्र राज्य पिंपरी-चिंचवड शहर यांच्यातर्फे हा उपक्रम राबविण्यात आला.
उपक्रमाचे संयोजन संस्कार प्रतिष्ठानचे संस्थापक अध्यक्ष डॉ. मोहन गायकवाड आणि शब्बीर मुजावर, सोमनाथ पतंगे, सायली सुर्वे, संध्या स्वामी, रमेश भिसे, सुशील गायकवाड, मोहिनी सूर्यवंशी आनंद पाथरे, जयवंत सूर्यवंशी, विजय आगम, पल्लवी कोंडेकर, मेघा चवरे, मनिषा गांधी यांनी सहकार्य केले. या उपक्रमात डॉ. डी. वाय. पाटील फार्मसी महाविद्यालय, राष्ट्रीय सेवा योजना, प्रतिभा कॉलेज ऑफ कॉमर्स अँड कॉम्प्युटर स्टडीज, औद्योगिक तंत्र शिक्षण संस्थेचे कॉलेज ऑफ बिझनेस स्टडीज अँड कॉम्प्युटर ॲप्लिकेशन यांनी सहभाग घेतला होता