जुनी सांगवी, ता. ३ : जुनी सांगवी येथे कर्करोग व आरोग्य तपासणी शिबिर घेण्यात आले. जिल्हा रुग्णालय, फिनिक्स सोशल ऑर्गनायझेशन, प्रज्ञा दीप सोशल फाउंडेशनने याचे आयोजन केले.
शिबिरात मुख कर्करोग, स्तनांचा कर्करोग, गर्भाशय कर्करोगाची तपासणी करण्यात आली. शिबिराचे उद्घाटन सांगवी महापालिका रुग्णालयाच्या डॉ. वैशाली भामरे यांनी केले. ‘‘कौटुंबिक जबाबदाऱ्यांमुळे बहुतांश महिला नियमित आरोग्य तपासणी करत नाहीत. पण, त्यांनी नियमित आरोग्य तपासणी करावी,’’ असे आवाहन डॉ. भामरे यांनी केले.
शिबिराचे नियोजन डॉ. प्रकाश रोकडे, तृप्ती कांबळे व संतोष कांबळे यांनी केले. मॅमोग्राफीसाठी हेल्थ विदीन रीच फाउंडेशन यांनी व्हॅन उपलब्ध करून दिली. आरोग्य तपासणीसाठी डॉ. रुपाली फुलबांदे, मोनिका सहाय, संगीता कुट्टी, वैद्यकीय अधिकारी डॉ. सिमरन थोरात, एकता महाडिक, सीमा सूर्यवंशी व कर्मचारी यांनी सहकार्य केले. शिबिर यशस्वी होण्यासाठी वैशाली गायकवाड, रवींद्र यादव, अमित बाराथे, हर्षल कांबळे आदींनी पुढाकार घेतला.