पिंपरी , ता.२८ ः चिंचवड येथील प्रा. रामकृष्ण मोरे प्रेक्षागृहात इंडियन म्युझिकल क्लब प्रस्तुत ‘गाता रहे मेरा दिल’ या ५० व्या सुवर्ण महोत्सवी सांगीतिक मैफलीला श्रोत्यांनी उत्स्फूर्त प्रतिसाद दिला.
यावेळी लायन्स क्लब इंटरनॅशनलचे राजेश आगरवाल, रवी सातपुते उपस्थित होते. या मैफलीत स्वप्निल शेठ, अभय चिद्री, अमित पांचाळ, हृषीकेश क्षत्रिय, ओंकार पटवर्धन, राजेश नायर यांच्यासह इतर गायकांनी गीतांचे प्रभावी सादरीकरण केले. आशिष चौहान यांनी ध्वनिसंयोजन केले. चिंतन मोढा, अमन खान (की बोर्ड), हार्दिक रावळ (गिटार), असिफ खान (ऑक्टोपॅड), हर्षद गनबोटे (तबला) यांनी साथसंगत केली. दीपक निस्ताने, धनश्री भोळे, विभावरी पाटील आदींनी संयोजन केले.