पिंपरी, ता. १९ : राष्ट्र सेवा दलाच्या पिंपरीतील ज्येष्ठ कार्यकर्त्या तथा पिंपरी चिंचवडच्या पहिल्या महिला उपनगराध्यक्षा शांताबाई सुदाम सातव (वय ८७) यांचे रविवारी सायंकाळी वृद्धापकाळाने निधन झाले. पिंपरी चिंचवड महापालिका अस्तित्वात येण्यापूर्वी १९७८ ते १९८२ या कालावधीत उपनगराध्यक्षा होत्या. ज्येष्ठ समाजवादी नेते भाई वैद्य, निळू फुले यांच्या समवेत त्या चळवळीत सक्रिय होत्या. रुपीनगर भागात पाण्यासाठी झालेल्या आंदोलनात त्यांना तुरुंगवास झाला होता. त्यांच्या पश्चात मुलगा, मुलगी, सुना, नातवंडे, पतवंडे असा परिवार आहे. पुणे पोलिस दलातून सेवानिवृत्त झालेले वरिष्ठ पोलिस निरीक्षक संजय सातव यांच्या त्या मातुःश्री होत. त्यांच्या पार्थिवावर सोमवारी (ता. २०) सकाळी ११ वाजता पिंपरीगाव स्मशानभूमीत अंत्यसंस्कार होणार आहेत.
...
फोटो
13270