‘रुग्णालयांचे खासगीकरण करणार नाही’

चिखलीत महापालिका रुग्णालयाचा सुरुवातीला प्रस्ताव होता. परंतु, वनविभागाने आक्षेप घेतल्याने ती जागा बदलली. मोशीत भविष्यात रुग्णालयाच्या विस्तारीकरणाच्या दृष्टीने जागा अंतिम केली. वैद्यकीय रुग्णालयात भविष्यात पदव्युत्तर पदवी शिक्षणाची सोय वाढविल्यास विद्यार्थी डॉक्टर वाढतील. त्यामुळे मोशीतील रुग्णालयाचे २०० कोटी ‘बजेट’ वाढले. या रुग्णालयाचे खासगीकरण करणार नाही. पर्यायी वित्तपुरवठा घ्यायचा का, असे विचाराधीन आहे, असा खुलासा पिंपरी चिंचवड महापालिकेचे आयुक्त तथा प्रशासक शेखर सिंह यांनी मंगळवारी (ता. १४) केला. ‘सकाळ’ने मोशी रुग्णालयाचे सुमारे २०० कोटींचे ‘बजेट’ वाढल्याचा मुद्दा उपस्थित केला होता. महापालिकेचा सन २०२३-२०२४ या आर्थिक वर्षाचा अर्थसंकल्प सादर केल्यानंतर ते पत्रकारांशी बोलत होते.