पिंपरी, ता. ४ : पोलिस दलात भरती झाल्यानंतर पोलिस शिपाई पदाचे प्रशिक्षण पूर्ण केलेल्या महिला पोलिस अंमलदारांची विविध पोलिस ठाण्यात नेमणूक करण्यात आली. यामुळे पोलिस ठाण्यातील मनुष्यबळ वाढले आहे.

पुणे शहर व ग्रामीण हद्दीतील पोलिस ठाणे मिळून १५ ऑगस्ट २०१८ ला स्वतंत्र पिंपरी-चिंचवड पोलिस आयुक्तालय स्थापन झाले. ग्रामीण व शहरी भाग तसेच औद्योगिक क्षेत्र, आयटी हब, तीर्थस्थळे आहेत. व्हीआयपी दौरे, विविध कार्यक्रमदेखील सुरु असतात. मात्र, मनुष्यबळाची कमतरता असल्याने कर्मचाऱ्यांवर कामाचा ताण येतो. दरम्यान, पिंपरी-चिंचवड पोलिस आयुक्तालयांतर्गत मागील वर्षी शिपाई पदाच्या ७२० जागांसाठी भरती प्रक्रिया राबवण्यात आली. यातील पात्र उमेदवारांच्या प्रशिक्षणानंतर त्यांना नेमणुकीची प्रतीक्षा होती. दरम्यान, सोमवारी २०९ महिला अंमलदारांची विविध पोलिस ठाण्यात नेमणूक करण्यात आली आहे. यामुळे ठाण्यातील मनुष्यबळ वाढले आहे. या अगोदरही नव्याने भरती झालेल्यांची काही ठाण्यात नेमणूक केलेली आहे.

दरम्यान, सध्या २१६ शिपाई पदासाठीची भरती प्रक्रिया सुरु आहे. ही पूर्ण झाल्यानंतर आणखी कर्मचारी उपलब्ध होणार आहेत.

---------------
पोलिस ठाणे व नेमणूक केलेल्या अंमलदारांची संख्या

पिंपरी १६ , चिंचवड ८, भोसरी २२, भोसरी एमआयडीसी १०, दिघी १०, आळंदी ११, चाकण ८, म्हाळुंगे १८, हिंजवडी १३, वाकड १३, देहूरोड १२, तळेगाव एमआयडीसी २४, सांगवी ११, चिखली ११, रावेत ८, शिरगाव १०,