पिंपरी, ता. १८ ः पाचव्या बंधुता काव्य महोत्सवाच्या अध्यक्षा संगीता झिंजुरके यांची ‘शृंगार मराठीचा’ या कवितेचा डॉ. बाबासाहेब आंबेडकर मराठवाडा विद्यापीठाच्या अभ्यासक्रमात समावेश झाल्याबद्दल भोसरी येथे सत्कार करण्यात येणार आहे. राष्ट्रीय बंधुता साहित्य परिषद व भोसरीतील प्रीतम प्रकाश महाविद्यालय यांच्या वतीने सत्कार समारंभाचे आयोजन महाविद्यालयाच्या भगवान महावीर सभागृहामध्ये करण्यात आले आहे.
बंधुताचार्य प्रकाश रोकडे यांच्या अध्यक्षतेखाली २१ जुलैला सकाळी दहा वाजता होणाऱ्या या कार्यक्रमात प्रा. डॉ. अशोककुमार पगारिया यांच्या हस्ते हा सत्कार होणार आहे. ज्येष्ठ कवी चंद्रकांत वानखेडे, साहित्यिक प्रा. शंकर आथरे, पत्रकार व कवी पितांबर लोहार हे चर्चासत्रामध्ये सहभागी होणार आहेत, अशी माहिती महाविद्यालयाचे प्राचार्य प्रा. सदाशिव कांबळे व कार्यक्रमाचे मुख्य संयोजक प्रा. पांडुरंग भास्कर यांनी दिली.