प्रामाणिकपणे मतदान करा

महाराष्ट्राची परिस्थिती सध्या दयनीय आणि चिंताजनक आहे. याला कुठलाही पक्ष कारणीभूत नसून आपण स्वतः आहोत. सरकार बदलत राहिले. सर्वच राजकारणी आपल्याशी हवी तशी चेष्टा करत राहिले. धोरणे बदलत राहिली आणि महाराष्ट्राची प्रगती थांबली. त्यामुळे, बदल घडवायचा असेल; तर स्वतः विचार करण्याची पद्धत बदलायला हवी. जाती, धर्म, पक्ष पाहून मतदान करू नका. कुठल्याही लोभाला, भितीला बळी न पडता आपल्या लोकांसाठी आपल्या महाराष्ट्रासाठी प्रामाणिकपणे मतदान करा. राज्याला योग्य, हुशार नेते आणि एक मजबूत सरकार पाहिजे. रोजगार, शिक्षण, मूलभूत गरजा, उद्योग, स्वच्छता, दवाखाने, रस्ते, पाणी, कला, साहित्य याच्यावर काम करणाऱ्या व्यक्तीला मतदान करा.
- नीरज गाढे पाटील, वाकड