Latest Marathi News Live Update : झोजी ला खिंडीत जोरदार हिमवृष्टी

झोजी ला खिंडीत जोरदार हिमवृष्टी सुरूच असून, त्यामुळे श्रीनगर-लडाख महामार्ग बंद करण्यात आला आहे..रत्नागिरी : शहरातील झाडगाव येथे गाडीसाठी गावची जागा विकत नसल्याच्या रागातून मुलाने बापाला दांडक्याने मारहाण केली. ही घटना बुधवारी (ता. १८) रात्री घडली. राजेश शंकर पांचाळ (वय ५०, रा. झाडगाव, रत्नागिरी) असे मारहाणीत जखमी झालेल्यांचे नाव आहे. राजेश यांना उपचारासाठी जिल्हा शासकीय रुग्णालयात दाखल करण्यात आले असून त्यांनी मुलाविरुद्ध शहर पोलिसांत तक्रार दाखल केली. ओंकार राजेश पांचाळ (रा. झाडगाव, रत्नागिरी) असे गुन्हा दाखल करण्यात आलेल्याचे नाव आहे. .देवगड : तालुक्याच्या किनारी भागात पावसाचे सावट आहे. अधूनमधून आकाश काळवंडून येऊन पावसाची लक्षणे दिसतात; मात्र पाऊस कोसळत नाही. वातावरणातही सकाळच्यावेळी धुके पसरलेले असते. दरम्यान, वादळी वाऱ्यासह किनारी भागात पाऊस झाल्यास आंबा पिकास नुकसानीचे ठरू शकते. राज्याच्या विविध भागांत अवकाळी पाऊस झाला. काही भागात गारपीटही झाली. याच पार्श्वभूमीवर तालुक्याच्या किनारी भागात ढग जमा होऊ लागले होते. आकाश ढगाळ होत असल्याने पाऊस कोसळण्याची लक्षणे मानली जात होती..देवरूख : संगमेश्वर तालुक्यातील वांझोळे येथील राष्ट्रीय खो-खो खेळाडू तेजस्विनी जयेंद्र सनगले (वय १८) हिचे कोल्हापूर येथे उपचार सुरू असताना निधन झाले. पंधरा दिवसांपूर्वी झालेल्या एका भीषण अपघातात तिच्या डोक्याला गंभीर दुखापत झाली होती. या अपघातात तिच्या मेंदूला जबर मार बसल्यामुळे तिला तातडीने कोल्हापूर येथील रुग्णालयात हलवण्यात आले होते. गेल्या दोन आठवड्यांपासून ती मृत्यूशी झुंज देत होती; मात्र बुधवारी रात्री उपचारादरम्यान तिचा मृत्यू झाला. .शिराळा : घागरेवाडी (ता. शिराळा) येथे धुमाळ मळा येथील शेतकरी आनंदा बंडू सावंत (वय ६७) यांचा पाण्यातील विद्युत मोटार सुरू करताना विजेच्या धक्क्याने मृत्यू झाला. ही घटना गुरुवारी (ता. १९) सकाळी नऊच्या सुमारास घडली. याप्रकरणी अजित मारुती लोहार (वय ४२) यांनी शिराळा पोलिस ठाण्यात फिर्याद दिली..इचलकरंजी : इचलकरंजी महापालिकेची सर्वसाधारण सभा बुधवारी (ता. २५) दुपारी १२.१५ वाजता आयोजित केली आहे. भारतरत्न डॉ. बाबासाहेब आंबेडकर सभागृहात होणाऱ्या या सभेत एकूण १७ विषयांवर चर्चा होऊन निर्णय होणार आहेत. महापालिकेच्या प्रमुख पदाधिकाऱ्यांसह नगरसेवकांचे मानधन व भत्ते ठरविण्यासह बेवारस वाहने हटविणे आणि महापौर निवासासाठी जागा निश्चित करणे, असे महत्त्वाचे विषय सभेसमोर ठेवले आहेत. विरोधकांनी उपस्थित केलल्या भुयारी गटार योजना आणि कूपनलिका खोदाईच्या विषयामुळे सभा वादळी ठरण्याची शक्यता आहे..म्हाकवे : बानगे (ता. कागल) येथील जय भवानी तालीमच्या मल्लांनी महाराष्ट्र केसरी कुस्ती स्पर्धेत उल्लेखनीय कामगिरी केली. पुणे (वाघोली) येथे सुरू असलेल्या या स्पर्धेत अभिषेक कापडे याने ८६ किलो वजन गटात सुवर्णपदक पटकावत जिल्ह्याला स्पर्धेतील पहिले सुवर्ण मिळवून दिले. .Latest Marathi Live Updates 20 March 2026 : ‘सकाळ माध्यम समूहा’ने आयोजित केलेल्या श्रीगुरू पादुका दर्शन उत्सवासाठी मोठ्या संख्येने भाविक नोंदणी करीत असून वेगवेगळ्या सोयी-सुविधांनी ‘भक्तीचा महाकुंभ’ सज्ज होत आहे. पादुका दर्शन सोहळ्याबद्दल भाविकांमध्ये कमालीची उत्सुकता निर्माण झाली आहे. वरळीच्या एनएससीआय डोममध्ये उद्यापासून (ता. २१) या उत्सवाला सुरुवात होणार असून, संत आणि सद्गुरूंच्या २१ पादुकांसाठी आकर्षक मंदिरे साकारली आहेत. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : झोजी ला खिंडीत जोरदार हिमवृष्टी

J & K Live : झोजी ला खिंडीत जोरदार हिमवृष्टी

Related Stories