पिंपरी, ता. २७ ः श्रावण महिन्यानिमित्त टाटा मोटर्स कंपनीच्या ई ११/१२ प्रेस शॉपद्वारे घोरावडेश्वर डोंगरावरील शंभू महादेवाला पूजा आणि अभिषेक करण्यात आला. यावेळी भजन, प्रवचन, वृक्षारोपण, स्वच्छता अभियान, महाप्रसादाचे वाटप उत्साहात आणि भक्तिमय वातावरणात झाले.
गेली १९ वर्षे हा उपक्रम अखंडितपणे घोरावडेश्वर येथे हा उपक्रम राबविला जात आहे. यामध्ये ई ब्लॉक मधील सर्व कर्मचारी व कामगार संघटना प्रतिनिधी यांचे मोठे योगदान असते. दरवर्षी प्रमाणे याही वर्षी डोंगरावर धर्मशाळेत राहून गीता, ज्ञानेश्वरी, तुकाराम गाथा याचा अभ्यास करणाऱ्या सात विद्यार्थ्यांना त्यांच्या गरजेच्या वस्तु व कपडे मदत तसेच तळेगावमधील अंध व्यक्ती सोमनाथ लांडे यांना आर्थिक मदत करण्यात आली. तसेच ३०० लोकांना अन्नदान करण्यात आले. याशिवाय, डोंगरावर आत्तापर्यंत २०० झाडे लावण्यात आली आहेत. शशिकांत पाटील यांनी कार्यक्रमांचे सूत्रसंचालन केले. राजेंद्र उभे यांनी आभार मानले. हे कार्यक्रम यशस्वी करण्यासाठी निवृत्ती म्हसे, भूषण सूर्यवंशी, सुरेश पाटील, सचिन टेकवडे, दत्ता भालेराव, सुदाम पाटील, पांडुरंग पाटील, अशोक काळोखे, किरण बोरगे, सनंदन वाघमोडे, पंजाब देशमुख, कामगार संघटनेचे प्रतिनिधी औदुंबर गणेशकर, सुभाष हुलावळे, शाम घावटे यांचे मोलाचे सहकार्य लाभले.
PNE24U41160