पिंपरी :‘‘अधिकारी महिलांनी समाजातील उपेक्षित महिलांना न्यायाची आणि सन्मानाची वागणूक द्यावी,’’ असे आवाहन सामाजिक कार्यकर्त्या कविता बहल यांनी केले. जागतिक महिला दिनानिमित्त सोहम् सार्वजनिक ग्रंथालयाच्या वतीने महिला पोलिस आणि स्पर्धा परीक्षेच्या विद्यार्थिनी यांचा प्रातिनिधिक सन्मान करताना कविता बहल बोलत होत्या. सोहम् ग्रंथालयाचे संस्थापक -अध्यक्ष जगन्नाथ नेरकर, सचिव प्रदीप बोरसे यांची प्रमुख उपस्थिती होती. तर, ‘‘आईवडिलांचा आशीर्वाद, कठोर परिश्रम, नियमित अभ्यास यामुळे निश्चितच अपेक्षित यशप्राप्ती होते,’’ अशी भावना पोलिस कर्मचारी पल्लवी माने यांनी सत्काराला उत्तर देताना व्यक्त केली. वर्षा बोरसे यांनी उपस्थितांचे आभार मानले.