सोमाटणे, ता. १५ ः आढले येथील नितीन घोटकुले यांना गो-सेवा रत्न पुरस्काराने सन्मानित करण्यात आले. पुरस्काराचे वितरण गोवा येथे झाले.
निराधार असलेल्या व कोणतेही उत्पन्न न देणाऱ्या गायी, बैलांना मायेचा आधार मिळावा, त्यांना हक्काचे घर मिळावे या उद्देशाने आढले येथील माजी सरपंच नितीन घोटकुले यांनी गेल्या चौदा वर्षांपूर्वी आपल्या शेतात गोठा बांधून निराधार गाय, बैलांसाठी गोशाळा सुरू केली. त्यांच्या या उपक्रमामुळे मावळातील शेकडो अनाथ गाय व बैलांना जीवदान मिळाले. सध्या त्यांच्या गोशाळेत साठ गायबैल असून, त्यांचापालन पोषणाचा खर्च ते पदरमोडीतून करत आहे. गाय ही बहुगुणी असून तिचे अध्यात्म, सेंद्रिय शेती व वैद्यकीय शस्त्रातील महत्त्व शेतकऱ्यांना कळावे यासाठी ते दरवर्षी अनेक शेतकऱ्यांचे प्रशिक्षण शिबिर घेतात. त्यांच्या प्रयत्नामुळे मावळातील अनेक शेतकऱ्यांचा कल गाय पाळण्याकडे वाढला आहे. त्यांच्या कार्याची दखल घेऊन इमेज इंटरनॅशनल रिसर्च असोसिएशन गोवा, जागतिक सरपंच संघ दिल्ली व बाबू जग जीवन रामकला संस्कृती अॅंड साथी अॅकेदमी दिल्ली यांच्या वतीने गोवा येथील आयोजित विशेष कार्यक्रमात नितीन घोटकुले यांना गो-सेवा रत्न पुरस्काराने सन्मानित करण्यात आले. या पुरस्काराचे वितरण नुकतेच पणजी येथे माजी खासदार सुनील गायकवाड, माजी उपमुख्यमंत्री चंद्रकांत कवळेकर यांच्या हस्ते करण्यात आले.

sMT14sF1.

पणजी ः नितीन घोटकुले यांना गो-सेवा पुरस्कार वितरण करताना माजी खासदार सुनील गायकवाड, सरपंच परिषदेचे कार्यकर्ते उपस्थित.