फोटो मागविला आहे.
सकाळ वृत्तसेवा
पिंपरी, ता. २४ ः अमृत भारत स्थानक योजनेंतर्गत गेल्या सव्वा वर्षापासून चिंचवड, आकुर्डी आणि तळेगाव या रेल्वे स्थानकांवर पुनर्विकासाची कामे सुरु आहेत. तीनही स्थानकांवरील कामे ६५ टक्के पूर्ण झाले असून डिसेंबर अखेरपर्यंत ती पूर्ण करण्याचे नियोजन आहे.
पंतप्रधान नरेंद्र मोदी यांनी गेल्या वर्षी २६ फेब्रुवारी रोजी दूरदृश्य प्रणालीद्वारे या योजनेचे उद््घाटन केले. त्यात चिंचवड स्थानकासह ५५४ रेल्वे स्थानकांचा पुनर्विकास होत आहे. पहिल्या टप्प्यात पुणे विभागातील १६ स्थानकांचा समावेश होता. चिंचवडसाठी २०.४० कोटी, आकुर्डीसाठी ३३.८ कोटी, तर तळेगावसाठी ४०.३ कोटी रुपये खर्च होणार आहेत. गेल्या वर्षी या तिन्ही रेल्वे स्थानकांचे नूतनीकरण सुरू झाले.
दरम्यान, पुणे-लोणावळा मार्गावरील विविध स्थानकांवरील विकास कामे प्रगतिपथावर आहेत.
-----------
झालेली कामे
चिंचवड ः
- फलाट क्रमांक एकच्या बाजूकडील सुरक्षा भिंत
- सरकता जिना आणि उद्वाहन
- फलाट क्रमांक दोन आणि तीनच्या मध्ये एका उद्वाहनाचा ढाचा तयार
- फलाट क्रमांक एक आणि तीनवर स्वच्छतागृहाचे काम सुरू
- प्रतीक्षालय, पदपथ, वाहनतळ आणि इतर कामे सुरू
-------
आकुर्डी ः
प्रशस्त वाहनतळाचे काम सुरू
- दोन ठिकाणी उद्वाहन बसविण्याचे काम पूर्ण
- फलाट क्रमांक एकच्या बाजूला प्रतिक्षालयाचे काम सुरु
- फलाट क्रमांक एक आणि दोन यांना जोडणाऱ्या पादचारी पुलाचे काम ४० टक्के पूर्ण
- दिव्यांग आणि सर्वसामान्यांसाठी स्वच्छतागृह सज्ज
------------
कोणती कामे होणार?
या योजनेंतर्गत चिंचवड, आकुर्डी आणि तळेगाव या स्थानकांवर उद््वाहन, सरकता जिना, प्रशस्त प्रतीक्षालय, स्वच्छतागृह, डिजिटल माहितीफलक, डिझाइन केलेले चिन्ह, पदपथ, सुनियोजित वाहनतळ उभारण्यात येणार आहे.
--------
या स्थानकांवर होणारी कामे
- देहूरोड ः शौचालयाची दुरुस्ती
- बेगडेवाडी ः स्थानकात सीसीटीव्ही बसविणार
- मळवली ः नवे शौचालय बांधणार
- कामशेत ः संरक्षण भिंत बांधणार
- घोरावडी ः फलाटाची उंची वाढविणार
- कान्हे ः सुरक्षा भिंत बांधणार
(विविध स्थानकांतील नळांची दुरुस्ती करून पिण्याच्या पाण्याची सुविधा उपलब्ध होणार)
-----