पिंपरी, ता. ३० ः पिंपरी चिंचवड महापालिका सेवानिवृत्त अधिकारी कर्मचारी असोसिएशनच्या अध्यक्षपदी शिवाजी तापकीर तर कार्याध्यक्षपदी प्रकाश जवळकर यांची निवड करण्यात आली. तसेच संघटनेच्या कार्यकारिणीची सर्वसंमतीने बिनविरोध निवड करण्यात आली.
भोसरी येथे असोसिएशनची सर्वसाधारण सभा पार पडली. यावेळी अध्यक्ष सोपानराव लांडगे, शिवाजीराव तापकीर, कार्याध्यक्ष प्रकाश जवळकर, उपाध्यक्ष आनंदराव कापसे, सचिव डी. डी. फुगे, रामभाऊ सावंत, भिडेसाहेब, छबूराव लांडगे, नारायण फुगे, म्हस्के उपस्थित होते.
कार्यकारिणीत उपाध्यक्ष पदी आनंदा कापसे, सरचिटणीस पदी दत्तात्रेय फुगे तर खजिनदार पदी रमण शर्मा यांची निवड करण्यात आली आहे. असोसिएशनच्या विश्र्वस्त पदी शहाजी माळी, रामभाऊ सावंत, गणेश लिपट, संजय देसाई, व्दारका टिळेकर, मंगला नायडू, घनशाम लुकर, छबू लांडगे, निवृत्ती आरवडे यांची निवड करण्यात आली. तसेच स्वीकृत विश्र्वस्त पदी नारायण अनभुले, सल्लागार विश्र्वस्त पदी सुरेश भिडे, वीरेंद्र एकल, राजू बेद, औंदुबर तुपे यांची निवड करण्यात आली.