यशस्वी एज्युकेशन सोसायटीच्या इंटरनॅशनल इन्स्टिट्यूट ऑफ मॅनेजमेंट सायन्समध्ये (आयआयएमएस) डॉ. सर्वपल्ली राधाकृष्णन यांच्या प्रतिमेला पुष्पहार अर्पण करून कार्यक्रम सुरू झाला. हा दिवस विद्यार्थ्यांचे आणि समाजाचे भविष्य घडविण्यात शिक्षकांच्या अमूल्य योगदानाची जाणीव करून देतो, असे आयआसंचालक डॉ. शिवाजी मुंढे यांनी सांगितले. विद्यार्थ्यांनी आयुष्यभर नवनवीन गोष्टी शिकण्याची भूमिका ठेवावी, असा सल्ला अध्यापकांनी दिला. काही विद्यार्थ्यांनी कविता, भाषणे आणि सांस्कृतिक सादरीकरणाद्वारे शिक्षकांबद्दल कृतज्ञता व्यक्त केली. या वेळी एम. बी. ए.च्या विभागप्रमुख डॉ. वंदना मोहांती, एम. सी. ए.च्या विभागप्रमुख डॉ. अश्विनी ब्रह्मे आदी उपस्थित होते. कार्यक्रमाचे नियोजन सोनाली पवार, नताशा दलाल, रुची मिश्रा, रिया मिरजकर आणि फाल्गुनी पाटील यांनी केले.
-----