पिंपरी, ता. ७ ः महापालिका आरोग्य विभागाने ‘स्वच्छतेचा नवा चेहरा’ शोधण्याच्या उद्देशाने आयोजित मॅस्कॉट डिझाईन स्पर्धेत सहभागासाठी १३ ऑगस्टपर्यंत मुदतवाढ दिली आहे. डिझाईन क्षेत्रातील व्यावसायिक व विद्यार्थ्यांसह सर्व वयोगटातील नागरिक सहभागी होऊ शकतात, अशी माहिती आयुक्त शेखर सिंह यांनी दिली.
एक व्यक्ती फक्त एकच डिझाईन पाठवू शकते; डिझाईन पूर्णतः स्वयंनिर्मित असावे; स्वच्छता, आरोग्य, जबाबदारी, नागरिक सहभाग, प्लॅस्टिकमुक्ती, कचरा विलगीकरण अशा संकल्पना असाव्यात; प्रेरणादायी, स्थानिक संस्कृतीशी सुसंगत असावे; परीक्षकांचा निर्णय अंतिम व बंधनकारक राहील. नागरिकांनी सहभागासाठी https://forms.gle/K7L2hN6eS4V3LYto6 या लिंकवर क्लिक करून अर्ज भरावा. त्यात स्वतःचे नाव, पत्ता, ई-मेल, मोबाईल क्रमांक नमूद करून डिझाईन अपलोड करावे. डिझाईनमागील संकल्पना थोडक्यात लिहून आपला अर्ज सादर करावा, असे आवाहन अतिरिक्त आयुक्त विजयकुमार खोराटे यांनी केले आहे.
---