पिंपरी, ता. २० ः गडकिल्यांचे संवर्धन करणे आणि त्याची निगा राखणे हे आद्य कर्तव्य समजून टाटा मोटर्स ई ब्लॉकमधील अधिकारी-कामगारांनी मावळ तालुक्यातील लोहगड किल्ल्यावर नुकतेच स्वच्छता अभियान राबविले. गडावरील व खाली असलेला शिवाजी महाराज स्मारक परिसर स्वच्छ करण्यात आला.
फॅक्टरी हेड प्रवीणकुमार ग्रोव्हर यांच्या मार्गदर्शनाखाली विवेकानंद पोतदार, सचिन टेकवडे, शशिकांत पाटील, नरेंद्र परमार, संजय तेलरांधे, रवींद्र सकाते यांनी अभियानाने नियोजन केले. तर सनंदन वाघमोडे, श्रीनिवास कुलकर्णी, पंजाब देशमुख, जयंत बोतारे, अनिल यादव, प्रभाकर घाडगे, युनियन प्रतिनिधी सुभाष हुलावळे, औदुंबर गणेशकर, राजेश हजारे, सदीप सत्तूर, अवतार सिंग खटाट, दत्ता भालेराव, विलास चोपडे, फेगडे, के. डी. शिंदे, विराज लांडगे, सदानंद टेपुगडे व इतर कर्मचाऱ्यांनी अभियानात सहभाग घेतला.
किल्ल्याच्या पायथ्याशी वडाच्या झाडाचे रोपटे लावण्यात आले. त्यानंतर तळेगावमधील कामायनी दिव्यांग मुलांच्या संस्थेला उपयोगी वस्तू, खाऊ व किराणा सामानाची मदत देऊन संस्थेच्या कार्याची सर्वांनी माहिती घेतली.
PNE25U82569