केशवनगरमधील श्रीधर नगर येथील बागेत वापरलेले पाणी परत बागेसाठी वापरले जाते. इतर बागांमध्येही असेच पाणी वापरल्यास पाण्याचा वापर कमी होईल आणि पर्यावरणही वाचेल.
- सां. रा. वाठारकर, चिंचवड

अर्धवट रस्ता अन् दुर्लक्षित तक्रारी
पिंपरी-चिंचवड महापालिकेने दोन महिन्यांपूर्वी फ्रीडम पार्क गेट २ ते नंदनवन शॉपिंग कॉम्प्लेक्सदरम्यान स्टॉर्म वॉटर पाइप लाइनसाठी रस्ता खोदला. परंतु, दोन महिने उलटल्यानंतरही रस्ता दुरुस्ती न करता तो अर्धवट सोडला आहे. ‘ड’ प्रभाग जनता दरबारमध्ये तक्रार देऊनही काहीच कारवाई झालेली नाही.
- प्रितेश चौधरी, विशाल नगर, पिंपळे निलख

सेवा नसतानाही शुल्क वसुली
तळेगाव नगरपालिकेकडून घंटागाडी व सफाईसाठी नियमित शुल्क आकारले जात आहे. मात्र, नियमितपणे सेवा मिळत नाही. आठवड्यातून येणारे सफाई कर्मचारी कोणत्याही प्रकारे सेवा सुधारत नाहीत. घंटागाडीही अजून नियमित नाही.
- आर. पी. शहा, तळेगाव