पिंपरी, ता. ४ : राज्य शासनाच्या निर्णयानुसार अनुकंपा नियुक्तीबाबतचे सुधारित सर्वसमावेशक धोरण जाहीर करण्यात आले आहे. शासनाच्या १५० दिवस कार्यक्रम अंतर्गत शनिवारी (ता. ४) मुख्यमंत्री देवेंद्र फडणवीस यांच्या हस्ते पात्र उमेदवारांना नियुक्ती पत्र देण्यात आले. त्यामध्ये पिंपरी चिंचवड महापालिकेच्या १९ उमेदवारांचा समावेश आहे.
मुंबई येथे राज्य शासनाने अनुकंपा उमेदवारांना नियुक्ती पत्र वितरणाचा राज्यस्तरीय कार्यक्रम आयोजित केला होता.
त्याला उपमुख्यमंत्री अजित पवार यांच्यासह प्रमुख मान्यवर उपस्थित होते. पुणे जिल्हाधिकारी कार्यालयात दृकश्राव्य प्रणालीद्वारे जिल्ह्यातील अशा पात्र उमेदवारांना नियुक्ती आदेश देण्यात आले. त्यामध्ये अनुकंपा वारस नियुक्ती १२ उमेदवारांना; तर लाड समिती शिफारस वारस नियुक्ती ७ उमेदवारांचा समावेश आहे. तर पुणे जिल्हाधिकारी कार्यालय येथे विभागीय आयुक्त डॉ. चंद्रकांत पुलकुंडवार, जिल्हाधिकारी गजानन पाटील यांच्यासह पिंपरी चिंचवड महापालिकेचे सहआयुक्त मनोज लोणकर उपस्थित होते.
त्यामध्ये लिपीक पदासाठी अभिजित जाधव, समीक्षा इंदुलकर, सुशांत फलके, व्यंकटेश गोणे, शिपाई पदासाठी दीपक नवले, साहिल काशीद, नयना हुंबरे, संकेत यादव, मजूर पदासाठी गणेश पडवळ, प्रीतम कडलग, स्पे कुली पदासाठी मनीष लोहारे, अमृत कांबळे, सफाई कामगार पदासाठी रोहन लोंढे, अर्चना पाथरकर, विशाल वाघमारे, श्रीदेवी गायकवाड, अजिंक्य काळोखे, प्रवीण पोटे, अभिषेक केदारी यांचा समावेश आहे.