केशवनगर साई चौकात वाहतूक सुरळीत करा

चिंचवड येथील केशवनगर भागातील साई चौकातील काकडे पार्क अत्यंत वर्दळीचा झाला असून येथे रस्ता ओलांडणे अवघड झाले आहे. त्यातच या ठिकाणी गाड्या पार्क केल्या जातात त्यामुळे चौक अरुंद होत आहे. येथे यापूर्वी किरकोळ अपघात झाले आहेत. त्यामुळे महापालिकेने योग्य ती कार्यवाही करून रहदारी सुरळीत होण्याबाबत दक्षता घ्यावी.
-रमेश देव, चिंचवड
Id: PNE25V57811

मोरया यात्री जवळील गल्लीत पदपथ आवश्यक

चिंचवडगावात मोरया यात्री जवळ राज कलेक्शन समोरील गल्लीत पदपथ नाही. रस्त्याच्या दोन्ही बाजूला वाहने उभी केलेली असतात. त्यामुळे पादचाऱ्यांना त्रास होतो. याची दखल घेऊन पालिकेने पदपथाची सोय करून नागरिकांची त्रासातून सुटका करावी अशी विनंती.
-रमेश पाटील, चिंचवड
PNE25V57817

उर्सुला शाळेचा रस्ता खड्डेग्रस्त

आकुर्डी येथील दत्तवाडीतील उर्सुला शाळेच्या रस्त्यावर पडलेल्या खड्ड्यांमुळे महिलांना मुलांना शाळेत सोडताना कसरत करावी लागते.
त्यामुळे प्रशासनाने याची दखल घेऊन त्वरित रस्ता दुरुस्त करावा.
-हेमा देंगजे, आकुर्डी
PNE25V57815

भुयारी मार्गात खड्डेच खड्डे

जुन्या मुंबई-पुणे महामार्गावर आकुर्डीतील बजाज ऑटो कंपनीच्या मुख्य प्रवेशद्वारासमोरील भुयारी मार्गातील रस्त्याची अवस्था भीषण झाली आहे. रस्त्यावर जागोजागी खड्डे पडले आहेत. अनेकदा येथे दुचाकी घसरून अपघात झाले आहेत. प्रशासनाने याकडे लक्ष देऊन रस्त्याची दुरुस्ती करावी.
-शिवराम वैद्य, निगडी

PNE25V57813