पिंपरी, ता. २८ : आयपीएल क्रिकेट स्पर्धेतील सामन्यावर बेटिंगप्रकरणी पिंपरी पोलिसांनी तिघांवर कारवाई केली. यात पोलिसांनी २ लाख २५ हजार ३५० रुपयांचा मुद्देमाल जप्त केला. पिंपरी येथील रिव्हर रोड परिसरात ही कारवाई करण्यात आली.
मयूर चंदर मेवानी (वय २५), धीरज चंदर मेवानी (वय २३) आणि आकाश हरेश आहुजा (वय २२, तिघे रा. पिंपरी) अशी गुन्हा दाखल करण्यात आलेल्यांची नावे आहेत. एका बंद खोलीत हे तिघे राजस्थान रॉयल्स विरुद्ध कोलकत्ता नाइट रायडर्स या संघांत सुरू असलेल्या सामन्यावर बेटिंग घेत असल्याची माहिती पोलिसांना मिळाली. त्यानुसार, पोलिसांनी कारवाई केली. यावेळी एका सोशल मीडिया ॲपव्दारे बेटिंग घेत होते. पोलिसांनी आरोपींकडून पाच मोबाइलसह २ लाख २५ हजारांचा मुद्देमाल जप्त केला.