पिंपरी, ता. १८ ः निगडी-तळवडे या मार्गावर अनेक ठिकाणी ड्रेनेजची झाकणे (ड्रेन कव्हर) खचली आहेत. गणेशनगर जवळ रस्त्याच्या मधोमध असलेले ड्रेनेजचे झाकण तुटले आहे. त्यामुळे अपघात होण्याचा धोका निर्माण झाला आहे. त्यामुळे येथील दुरुस्ती करण्याची मागणी नागरिक करत आहेत.
निगडी-तळवडे हा मार्ग देहूगाव, चाकण आणि उपनगरांना शहराशी जोडतो. तसेच चाकण-भोसरी या दोन्ही एमआयडीसीला जोडणार महत्त्वाचा मार्ग आहे. देहू, तळवडे या परिसरांतून दररोज हजारो कामगार शहरात येतात. तसेच चाकण-भोसरी या दोन्ही एमआयडीसींना जोडणारा मार्ग असल्यामुळे येथून अवजड वाहने जातात. तसेच शहरात येण्यासाठी हा महत्त्वाचा मार्ग असल्यामुळे वर्दळ असते. मात्र, या मार्गावर रस्त्याच्या मधोमध आणि बाजूला अनेक ठिकाणी ड्रेनेजची झाकणे खचली आहेत. वाहतूक संथ होऊन कोंडीचा सामना करावा लागतो. ही झाकणे रात्री दिसत नाहीत. त्यामुळे विशेषत: दुचाकींचे अपघात होत आहेत. महापालिका प्रशासनाने या मार्गावरील सर्वच ड्रेनेजची झाकणे रस्त्याच्या समांतर करावीत, तसेच तुटलेली झाकणे बदलावीत, अशी मागणी केली जात आहे.

-----
फोटो - 90969