पिंपरी, ता. १९ : वाढदिवसाचे अनधिकृत फलक उभारल्याप्रकरणी रावेत पोलिस ठाण्यात दोघांवर गुन्हा दाखल झाला आहे. हा प्रकार निगडी प्राधिकरणातील भक्ती-शक्ती चौक ते मुकाई चौक रस्ता दरम्यान घडला. ऋषीकेश माणगावकर व रोहित चव्हाण अशी गुन्हा दाखल झालेल्यांची नावे आहेत. याप्रकरणी पिंपरी-चिंचवड महापालिकेच्या आकाश चिन्ह व परवाना विभागाचे परवाना निरीक्षक राजेंद्र चौधरी यांनी रावेत पोलिस ठाण्यात फिर्याद दिली आहे. फिर्यादी व त्यांचे सहकारी लिपिक धनंजय पाटील यांनी परिसरात पाहणी केली असता, भक्ती -शक्ती चौक ते मुकाई चौक रस्ता तसेच किवळेला जोडणारा रेल्वे पुलावरील महापालिकेच्या दिशादर्शक कमानीवर वाढदिवसाच्या शुभेच्छा देणारा अनधिकृत फलक लावल्याचे निदर्शनास आले.
---