स्वातंत्र्यवीर सावरकर पुरस्कारांचे २६ फेब्रुवारी रोजी वितरण

पिंपरी,ता. १९ ः स्वातंत्र्यवीर सावरकर पुरस्काराचे वितरण २६ फेब्रुवारी रोजी निगडी प्राधिकरणातील ग. दि. माडगूळकर नाट्यगृह येथे होणार आहे. स्वातंत्र्यवीर विनायक दामोदर सावरकर यांच्या आत्मार्पण दिनानिमित्त स्वातंत्र्यवीर सावरकर मंडळाच्या वतीने हा पुरस्कार प्रदान करण्यात येतो. यंदा ज्येष्ठ विधिज्ञ उज्ज्वल निकम यांच्या हस्ते पुरस्काराचे वितरण होईल. यावेळी सर्वोच्च न्यायालयातील ज्येष्ठ विधिज्ञ ॲड. हरि शंकर जैन व विधिज्ञ ॲड. विष्णु शंकर जैन या पितापुत्रांना पुरस्काराने गौरविण्यात येईल; तसेच सामाजिक कार्यकर्त्या मीरा अ. कडबे यांना ‘स्वातंत्र्यवीर सावरकर राज्यस्तरीय पुरस्कार २०२५’ प्रदान करण्यात येणार आहे, असे मंडळाचे अध्यक्ष विश्वनाथन नायर यांनी सांगितले.